Embedded Files
ავტორი: ლიზი მეჟდოიანი თარიღი: 06.03.2024
თამაში ყველა ბავშვს უყვარს!
ეს მარტივი ჭეშმარიტება მშობლის ძლიერი იარაღია, რომ იპოვოს პასუხი კითხვებზე:
- რისი გაკეთება სიამოვნებს თქვენს პატარას?
- რისი კეთება არ უყვარს?
- რა არის მისი მოტივაცია?
- რომელია მისი ძლიერი და სუსტი მხარეები?
ზემოთ ჩამოთვლილ კითხვებზე პასუხის გაცემით თქვენ შეძლებთ დააინტერესოთ ბავშვები სხვადასხვა საქმიანობით, თავიდან აირიდოთ დემოტივაცია, გამოიწვიოთ ცნობისმოყვარეობა და ხელი შეუწყოთ შვილების პიროვნულ განვითარებას ისე, რომ ამ პროცესით ორივე მხარე დარჩეს კმაყოფილი.
გაიცანით, ეს დათაა.
როგორ ავხსნათ ბავშვის მდგომარეობა თამაშზე დაკვირვებით?
დათას უსაყვარლეს მშობლებს დაავალეს დააკვირდნენ შვილის თამაშის პროცესს, როდესაც პირამიდას აგებს და შემდგომ აღწერონ რასაც დაინახავენ.
თავიდან დათა კისკისებდა და თვალი არ მოუშორებია დედ-მამისათვის, როგორ უხსნიდნენ თამაშის შინაარსს და პირამიდის აწყობის წესებს.
„ჯერ სამი სართული უნდა ააშენო და კარგად რომ გამოგივა, უფრო დიდიც შეგიძლია გააკეთო...“.
ჯერი დათაზე მიდგა. ჯერ ერთი სამკუთხედი ააგო, მერე მეორე. პირველი 10 წუთი სულ იცინოდა და მშობლებსაც ყველაფერს ეკითხებოდა. სამსართულიანი პირამიდის აგება მალევე გამოუვიდა. ახლა გადაწყვიტა ოთხ სართულიანი ეცადა. პირველივე ცდაზე თითქმის გამოუვიდა, ბოლო სართულის შენებისას კი დაეშალა. დათა გაჩერდა, უყურებდა კარტებს, მერე მშობლებს გახედა გაფართოებული თვალებით და თამაშის გაგრძელებაზე უარი თქვა. მხოლოდ მაშინ დათანხმდა, როცა ირაკლიმ დახმარება შესთავაზა, მაგრამ გაიგო თუ არა, რომ პირველი სამი სართული მაინც თავად უნდა აეშენებინა, თამაში მაშინვე გადაიფიქრა.
დედ-მამამ განიხილა რაც მოხდა, აზრები შეაჯერეს და ასე აღწერეს მოვლენები:
„დათა ინტერესიანი ბავშვია, უყვარს სიახლეები და თავიდან გაერთო პირამიდის შენებით. სანამ აინტერესებდა თამაშობდა და მერე დაეზარა წვალება იმაზე, რაც იცის რომ ბოლოს გამოუვიდოდა. მამასთან თამაში უყვარს და მაგიტომ მოუნდა მერე ისევ თამაში“.
მშობლებმა აქცენტი მთლიანად ბავშვის ემოციურ და კოგნიტურ მდომარეობაზე (აინტერესებდა, გაერთო, დაეზარა).
როგორ აღწერს თამაშის პროცესს დამკვირვებელი:
"დათამ, მიუხედავად უცხო გარემოში ყოფნისა, ცნობისმოყვარეობა გამოიჩინა და დათანხმდა თამაშზე. გაბედულია და ჩემს ოთახში ყოფნას მის გადაწყვეტილებაზე არ უმოქმედია. დაჟინებით აკვირდებოდა, როგორ აწყობდა მამამისი პირამიდას და თავადაც შეძლო გაემეორებინა. ზოგი სამკუთხედი შედარებით განიერი, ზოგი კი ერთმანეთისგან მეტი დაშორებით ააწყო, თუმცა პირამიდის აგება მაინც გამოუვიდა" და ა.შ.
მთავარი, რაც ამ ორ აღწერას ერთმანეთისაგან განასხვავებს არის ის, თუ რას ამჩნევთ ბავშვზე დაკვირვებისას. ეს იმაზეა დამოკიდებული - რას აკვირდებით.
პირამიდის აგება ისეთ უნარებს მოითხოვს, როგორიცაა:
მოთმინება, ყურადღება და კონცენტრაცია, განვითარებული ნატიფი მოტორიკა, სივრცის აღქმა, სივრცეში კოორდინაცია და სხვა.
რაც მეტ დეტალს დააკვირდებით, მით უკეთ გაიგებთ რა ერთულება თქვენს პატარას და პირიქით, რა არის მისთვის მარტივად შესასრულებელი დავალება. ეს ინფორმაცია დაგეხმარებათ მოიფიქროთ თქვენი შვილისთვის შესაფერისი სირთულის დავალებები, განსაზღვროთ ურთიერთობის ფორმები, შეინარჩუნოთ და გაზარდოთ ბავშვის ცნობიმოყვარეობა, შესაბამისად მისი მოტივაცია და ჩართულობაც.
დავუბრუნდეთ დათას მაგალითს და ვუპასუხოთ დასმულ შეკითხვებს:
რისი გაკეთება სიამოვნებს თქვენს პატარას?
შემეცნებითი თამაშები, პროცესის ვერბალურად აღწერა, თამაში მუსიკის ფონზე.
რისი კეთება არ უყვარს?
რთული და კომპლექსური დავალებების შესრულება, როდესაც არ არის დარწმუნებული, რომ გამოუვა.
რა არის მისი მოტივაცია?
სიახლეები, მშობელის ჩართულობა.
გირჩევთ დაიწყოთ თქვენი შვილების დღიურის წარმოება. დასვით ზეომთ მოცემული კითხვები და ყოველთვის, როცა ახალ რაიმეს აღმოაჩენთ, მაშინვე ჩაინიშნეთ. შეგროვებული ინფორმაცია დაგეხმარებათ გაუგოთ თქვენს შვილებს, უკეთ დაგეგმოთ აქტივობები. ამასთან უზრუნველყოთ, რომ თქვენი შვილი იყოს საქმიანობით დაინტერესებული და მიიღოს სიამოვნება.
Page updated
Google Sites
Report abuse