რას გულისხმობს მონტესორის მეთოდი

უფრო კონკრეტულად, რა ხდება მონტესორის საკლასო ოთახში:

·        თითოეული ბავშვი ფასდება, როგორც უნიკალური პიროვნება. მონტესორის განათლება აღიარებს, რომ ბავშვები სწავლობენ სხვადასხვა გზით, ტემპით და აკმაყოფილებენ სწავლის ყველა სტილს. მოსწავლეები თავისუფალნი არიან ისწავლონ საკუთარი ტემპით, თითოეული წინ მიიწევს მისი მზაობის შესაბამისად და ამ პროცესს ხელმძღვანელობს მასწავლებელი და მათთვის შედგენილი ინდივიდუალური სასწავლო გეგმა.

·        ადრეული ასაკიდან დაწყებული, მონტესორი ბავშვებში ანვითარებს წესრიგს, კონცენტრაციას და დამოუკიდებლობას. საკლასო ოთახის მიზანმიმართული დიზაინი, მასალები და ყოველდღიური რუტინა მხარს უჭერს მოსწავლის განვითარებად „თვითრეგულაციას“ (თვითსწავლისა და საკუთარი საქმიანობის შინაარსის გააზრების უნარი), ჩვილობაში მოზარდობის მეშვეობით.

·        მოსწავლეები ახლო, მზრუნველი საზოგადოების ნაწილი არიან. შერეული ასაკობრივი საკლასო ოთახი, რომელიც ჩვეულებრივ 3 ასაკს მოიცავს, სივრცეში ქმნის ოჯახის სტრუქტურას. უფროსი მოსწავლეები გვევლინებიან მენტორებად და მისაბაძ პირებად; უმცროსი ბავშვები გრძნობენ მხარდაჭერას და იძენენ თავდაჯერებულობას მომავალ გამოწვევებთან შესახვედრად. მასწავლებლები არიან პატივისცემის, მოსიყვარულე სიკეთის და კონფლიქტის მშვიდობიანი გადაწყვეტის მაგალითები.

·        მონტესორის მოსწავლეებს აქვთ თავისუფლება, ნორმის ფარგლებში. ისინი მასწავლებლებისა და საკლასო საზოგადოების მიერ დადგენილ პარამეტრებში მუშაობენ, სტუდენტები აქტიურად მონაწილეობენ იმის გადაწყვეტაში, თუ რაზე იქნება მათი სწავლა ფოკუსირებული.

·        მოსწავლეებს მხარს უჭერენ, რომ იყვნენ ცოდნის აქტიური მაძიებლები. მასწავლებლები უზრუნველყოფენ გარემოს, სადაც მოსწავლეებს აქვთ თავისუფლება და საშუალება, რომ მიიღონ პასუხები მათივე კითხვებზე. შინაგანი კმაყოფილება აღძრავს ბავშვის ცნობისმოყვარეობას და ინტერესს, რაც საფუძვლად უდევს მხიარულ სწავლას, რომელიც მიყვებათ მთელი ცხოვრების განმავლობაში.

·        თვითშესწორება და თვითშეფასება მონტესორის საკლასო მიდგომის განუყოფელი ნაწილია. ზრდასთან ერთად მოსწავლეები თავიანთი ნამუშევრისთვის კრიტიკულად შეხედვას სწავლობენ და ხდებიან კომპეტენტური შეცდომების ამოცნობაში, გამოსწორებაში და სწავლაში.

·        მონტესორი მხარს უჭერს სოციალურ-ემოციურ უნარებს. თანამედროვე კვლევა მხარს უჭერს 100 წლის მონტესორის მეთოდის ეფექტურობას, რაც მიუთითებს იმაზე, რომ მონტესორის საკლასო ოთახში აღზრდილი ბავშვები ბევრად ძლიერ სოციალურ-ემოციურ უნარებს ავლენენ სხვადასხვა სფეროშ, ვიდრე ტრადიციულ გარემოში აღზრდილი ბავშვები.

·        მარია მონტესორის ხედვა განათლებაზე თავიდანვე მოიცავდა სპეციალური საჭიროებების მქონე ბავშვებს. ის არა მხოლოდ სწავლობდა ინტელექტუალურ და განვითარების შეზღუდვებს, არამედ იყო სპეციალური მასწავლებლების ინსტიტუტის თანადირექტორი. სწორედ ამ ფონზე დაიწყო მან თავისი პირველი „Casa dei Bambini“ (ბავშვთა სახლი) უუფლებო ბავშვებისთვის რომში 1907 წელს. მონტესორის განათლების მრავალი პრინციპი მშვენივრად ემსახურება სპეციალური საჭიროებების მქონე მოსწავლეებს.